तुझा माझा संवाद हा, असाच काहीसा असतो…

शब्दात मांडता येत नाही
असा एक अनुभव असतो…
तुझा माझा संवाद हा,
असाच काहीसा असतो…

लटके राग रुसवे आणि बरचं काही,
तुझ्या माझ्यात काही नसतानाहि
असण्यासारख बरच काही …

निशब्द होतात शब्द आणि अबोल होतात विचार
सापडणार सापडत नाही,उमगणार उमगत नाही …
अस कसे रे होतो आपण दोघेही निराधार ….

असाच काहीसा हा लपंडाव  तुझ्या माझ्यात असतो …
 उन सावलीचा हा खेळ मग आपल्यात रंगतो…
सुटता सुटत नाही असा गुंता होऊन बसतो…
तुझा माझा संवाद हा, असाच काहीसा असतो…